Prezident R. T. Erdogan, şenbe güni milli elektrikli ulag öndürijisi Togg tarapyndan öndürlen T10F sedan modelini synagdan geçirdi. Togg Türkiýäniň halkara derejesinde elektrikli ulag önümçilik bazarynda uly rol oýnaýandygyny görkezýär.
Toggyň täze modeliniň synagdan geçirliş çaresine Prezident R. T. Erdogan bilen birlikde, Türkiýänin Biržalar we palatalar bileleşiginiň başlygy Rifat Hisarjyklyoglu, Anadoly toparynyň Dolanşyk geňeşiniň başlygy Tunjaý Özilhan, Zorly Holding toparynyň Dolanşyk geňeşiniň başlygy Ahmed Nazif Zorly, Turkcelliň Dolanşyk geňeşiniň başlygy Şenol Kazanjy bilen Tosýaly Holding toparynyň Dolanşyk geňeşiniň başlygy Fuat Tosýaly gatnaşdy.
Üstünligiň hekaýasy
Merkezi Britaniýada ýeleşýän Nýu AutoMotiwe görä, Türkiýe 2024-nji ýylda dünýäniň elektrikli ulag bazarynda 8-nji orny eýeledi. Içerki önümçiligiň artmagy, zarýad beriş ulgamlarynyň giňelmegi we döwlet tarapyndan goldanýan höweslendiriji çareler şol görkezijide uly rol oýnady.
Geçen ýyl Türkiýede 123.982 sany elektrikli ulag satyldy. 2025-nji ýylyň aprel aýynda Türkiýede 11 müň 173 sany elektrikli ulag satyldy. Türkiýe şol san bilen Norwegiýadan we İtaliýadan öňe geçdi we Ortaýer deňizi ýurtlarynyň arasynda lider, dünýäniň elektrikli ulag bazarynda bolsa 7-nji orny eýeledi.
Türkiýede 2024-nji ýylyň dekabr aýynda bolsa 17 müň 894 ulag satyldy we elektrikli ulag satuwy boýunça Türkiýe şol aýda dünýäde 6-njy orny eýeledi.
Nýu AutoMotiwe, Türkiýäniň ösüş depginini “üstünligiň hekaýasy” hökmünde häsiýetlendirdi we batareýa elektrikli ulag bazarynda 8 aýyň dowamynda 10 göterimlik paýa eýe bolandygyny mälim etdi.
Türkiýäniň milli elektrikli ulagy Togg, ýurduň awtomobil pudagynyň gelejeginde uly rol oýnaýar.
