Russiýanyň Daşary işler ministrliginiň metbugat wekili Mariýa Zaharowa Beýik Britaniýany Russiýa-Ukraina urşy boýunça öz pozisiýasyndan çekilmäge çagyrdy we munuň urşy täze derejä çykarmagyň howpuny döredýändigini aýtdy.

Mariýa Zaharowa Moskwada geçirilen metbugat ýygnagynda Beýik Britaniýanyň we Fransiýanyň Ukrainany ösen raketa tehnologiýalary bilen üpjün etmek bilen "ot bilen oýnaýandygyny" aýtdy.

Beýik Britaniýa duşenbe güni Kiýewe Russiýanyň territoriýasynyň içine hüjüm guramaga ukyply “Storm Shadow” uzak aralykly kruiz raketalaryny öndürmäge başlamak üçin gizlin tehnologiýalara elýeterlilik berjekdigini yglan edipdi.

Beýik Britaniýanyň Goranmak ministrligi "Ukraina bilen egin-egne durýandygyny" we Ukrainany "Russiýanyň prezidenti Wladimir Putiniň bikanun basyp alyşlygyndan" goranmak üçin zerur enjamlary bilen üpjün etmekde tutanýerlidigini mälim etdi.