Rus goşunynyň düýn gije Ukraina guran howa hüjümlerinde 4 adamyň ýogalandygy habar berildi.
Ukraina tarapyndan berlen ýazmaça beýannamada, Russiýanyň ýary gije ýurda howa hüjümini gurandygy nygtaldy.
Donesk sebitine guralan hüjümde 2 adamyň ýogalandygy, 2 adamyň hem ýaralanandygy bellenildi.
Ruslaryň Sumi şäherine guran hüjüminde hem 2 adamyň ýogalandygy, 1 adamyň ýaralanandygy ýatladyldy.
Togonyň baýdagyny göterýän gämä guralan hüjümde 4 adam ýaralandy
Rus goşunynyň Ukrainanyň Odessa portuna howa hüjümini gurandygy habar berildi.
Hüjümde Togo Respublikasynyň baýdagyny göterýän gämä uly zeper ýetirlendigi, wakada 4 adamyň ýaralanandygy ýatladyldy.
Hüjümde ýaralanan 4 adamdan biriniň ýagdaýynyň agyrdygyna üns çekildi.
Rus goşuny 128 dron hüjümini gurady
Ukrainanyň Howa güýçleri serkerdeliginden berlen ýazmaça beýannamada bolsa, Rus goşunynyň düýn gije Ukrainanyň çar tarapyna jemi 128 dron hüjümini gurandygy mälim edildi.
Beýannamada dronlardan 106-nyň hatardan çykarlandygy ýatladyldy.
